عاشت

عاشت نعم
عاشت
من جبال النوبة لبحر أبيض فضة عاشت
عاشت عشان عاشقين ترابها
في عنيهم ما هانت
عاشت عهود للظلم
قامت و عليهم داست
عاشت للعدل راية
اسأل جنودها من عين جالوت لاكتوبر
من اربعين سنة فاتت
و من تلاتين سنة استغاثت
مين يسمع صوت الحرية اللي انهانت
مين يلبي صوتك يا مصر
مين يقوم
مين اللي يهدم للظالم ألف قصر
مين يقول للظلم لأ
أنا اللي رفعت راية لألف نصر
و عمري في يوم ما اشتكيت من أسر
مين اللي يلبي نداك
يا مصر...
مين اللي عاشق هواك
باعك مولانا
و للعدا رماك
و مد ايده و قال ديون ضناكي
احلم بكل ظالم برغم ظلمه بناكي
و احلم بعرابي و الف زيه كانوا فداكي
و حلم النهاردة كابوس ليه ما عداكي
بنى للظلم الف معنى
و شيد للعدا سورمن وراكي
يحمي اللقطا و قال ان السور حماكي
و بالرغم من ده عاشت
و على كل ظالم قامت و داست
و من اولادها الف الف جندي جابت
و لا عمرها اشتكت وقالت يا قلبي يا كتاكت
مصر عاشت
نعم عاشت