أنا مش فاهم يا ريس

أنا مش فاهم يا ريس

شاوشيسكو فيما معناه
بيكتب اقرار مكتوب في اعلاه
أنا الرب أنا الإله
اللي يطيعني يا سعده يا هناه
و اللي مش عاجبه ينضرب على قفاه
أنا الأب و الإبن أنا اللي عناه
دستور المحروسة و الحاكم بأمر الله
انا اللي منعت البرقع والصلاة
وبدعت الف معنى للعز و الجاه
وسد ممدود بالخوف أنا اللي بناه
و كمان السور إياه
و ضنايا يا جمالو الورث مناه


أنا اللي رجعت أبطال زمان
قارون و فرعون و هامان
هاكتب ايه و الا ايه انجازاتي في كل مكان
في المكاتب و المصالح و الفرمان
في المخابز و العيش أبو سوسو و الافران
و دوقتهم طعم الحمار و غيره من الحيوان
إنجازاتي في البيوت و الافراح مع العرسان
خليت للفرح معنى بعد كل دي أحزان
و طلعت ميتين الشعب عشان يبقى فرحان
و اللي مش فاهم خش الموريستان
او اتعلق زي الصورة عند السجان
من عرقوبه أو من ايديه المهم انا فنان
أصل أنا باحمي حقوق الإنسان
و احب الجمال و سوزان
وأعشق بوش و الأمريكان


كده كفاية ..... و الا بلاش كفاية
خلاص كده أنا قلت اللي جوايا
و كتبت اقراري الضريبي طول سنين شقايا
مع الشعب اللي حامينى و هايستحمل ضنايا
اربعين سنة كمان يا بختهم يا سعدي يا هنايا
اصل الضنا غالي و نظيف و اخدين بالكو معايا
و العز حبيب يمكن أصله طنطاوي
أو بدر باين في المرايا
و برضه اللي مش فاهم هايدخل السرايا






إمضاء
شاوشيسكو فيما معناه