صايد كنوز اللولو في بحر مصري عتيق
رمى شباكه دايبة ومقطعة وسط موج الغريق
تحت القمر في الضلمة و البحر واسع مش ممكن يضيق
صياد و مبحر في المغربية يمكن يلاقي رفيق
رايح فين يا صايد اللولو الدنيا ليل و الليل غربة
قال ليالي البر أغرب و البحر بضلمته ارحم بالعشيق
أعشق تراب البر لكن ضلام الليل أهون من ظلم الشقيق
عشقت تراب البر لكن عشق الغربة عشق الكرامة عشق الصديق
أحلم بفراقك يا بلدي و أهلي و ناسي ... ناسي كل رفيق
ناسي الصبح لما ... اللمة تجمع تنادي
فين الشباب ... شباب شاب يستنى المنادي
شاخ الحلم و شاب في الحكايادي
يا صايد اللؤلؤ ارجع حدايا ارحم ألم بعادي
قال يابن بلدي إن كان ليل البحر بيقتلني فاسأل بلادي
كام شاب مات السنادي
بقلم محمد الدسوقي
رحم الله شباب مصر الذين قتلوا في هجرتهم منها
و الذين قتلوا في سالم اكسبريس و السلام
الثلاثاء، 8 ديسمبر 2009
صايد كنوز اللولو في بحر مصري عتيق .... باللهجة الصعيدية
صايد كنوز اللولو في بحر مصري عتيق
الاشتراك في:
تعليقات الرسالة (Atom)
ليست هناك تعليقات:
إرسال تعليق