السح الدح امبو

السح الدح امبو

الواد عطشان اسقوه

هاتو الواد من الأرض

حطو الواد بالعرض

الشعب رافض رفض

و الواد نازل عض



ياعيني الواد هايعيط

نفسه يفرح ويزيط



بابا خلاص بح

و الواد نازل دح

أكيد مش فاهم صح

ان احنا قلعنا الدح

و شبعنا أه و أح



الكرسي بقى على القد

عيلة مالقيتش حد

يقول كفاية بجد

مع ان احنا بنينا سد

و نسينا شكل الورد

و عرفنا شكل الكد

و فهمنا معنى المد

و زهقنا من كتر العد

السح الدح امبو

الواد عطشان اسقوه

الواد طالع لابوه

الواد و اللي جابوه

و اللي عالكرسي حطوه

شلة حرامية اتفوو

يا عالم ياهووو

الحقونا لتلحقوه

قبل ما يلزق زي ابوه

أسير النيل أنا مادمت مصريا

يامن حكمتني وكنت فينا عليا
و حاربتني بالحرمان فما هالني أو استقر بيا
و ضيقت أسياخ الحديد لتطوق معصميا
لم تكسر شوكتي يوما و لم تكن يوما حييا
أسير النيل أنا مادمت مصريا
فأنا المصري أنا العنوان أنا الشعب الأبيا
أنا الإنسان أنا قلب الأمة العربية
أنا الأرض أنا الحرب أنا الرد على جند الدَنِية
أنا الحر ولم تكن أمي يوما سبيا
أنا الكنانة للإسلام أنا خير الأجناد أنا البقية
أنا الرجل بل الرجال سل عني النبيا
إن كنت مؤمنا ولا أراك إلا فاجرا عصيا
فأنت الطاغوت و الطغيان أنت الرديا
و أنت الظلم و الظلمات أنت العاري وإن كنت كسيا
لعنك الشعر والأبيات لعنتك السطور النثرية

كتبه محمد الدسوقي

أمريكا أصبحت سجادة صلاتي

هل صليت يوما بدون وضوء
و قبلتك صنم اللات
أو غانية عارية النهود
هل صليت يوما بغناء القينات
و خشعت بفكر الشهوات
و افترشت سجادة الصلاة
فوجدت صورة لبيت أبيض
فجزعت
و قلتَ ::
أين قديم النقوشات
فأمريكا أصبحت سجادة صلاتي
و أضحت قبلتي مع صنم اللات
و قرآن ربي و التشهد والتحيات
استبدلته بغناء القينات
هذه ليست صلاتي
فأمريكا ليست قبلتي و لا لذاتي
فأنا مسلم وجهتي الكعبة و ليس اللات
و كلام ربي أتلوه
و لا أخشع لغيره من الكلمات
قلتُ ::
صدقت هذه ليست صلاتك و لا صلاتي
و أمريكا لم تمحو قديم النقوشات
بل محوناها نحن
و أصبح ديننا ذكريات
و قرآننا في المآتم و فوق القبور
و نصلي لله و في اذهاننا أجساد الغانيات
و استحسن بعضنا السفور
و سمعنا الغناء فألهانا عن السور و الآيات
و رضينا بصنع أمريكا
فإن لم تصدقني
فانظر في بلادي
كم صنما أكبر من اللات


كتبه محمد الدسوقي

شخبطة سعادتك يا ريس ... خريطة لمستقبل مصر

شخبطة سعادتك يا ريس ... خريطة لمستقبل مصر

شخبط يا ريس
شخبط على المساطر
شخبط على الأساتيك
شخبط و امسح كل قديم
شخبط و عيش
خلي شعبك خدامين
اسقيهم سم
و اكلهم مر ... مر السنين
دول جاعوا حرية
و طناجرك مليانين


شخبط يا ريس
شخبط عالفراعنة
شخبط عالحضارة
حضارتك جبارة
حضارتك عسكر
و خمر و شطارة


شخبط يا ريس
شخبط على الملايين
و انبش ياريس
قبر كل الظالمين
رجعهم يا ريس
أصل احنا ناقصين


شخبط يا ريس
شخبط و لا يهمك
ده الشعب نصه مات
و الباقي عايشينلك
ولا زلزال يهزك
أمريكا مين؟؟ ...و لا اسرائيل!
دول علامهم منك
أصل الشخبطة فن


شخبطتك يا ريس
كام وعشرين
كاروهات و مقلمة
على الأفا معلمة
في الشوارع
في البيوت
في المساجد المكتمة
و الكنايس المعتمة
شخبطة سيادتك
رسمت خريطة مقسمة
لمصر
و أرض مصر
و شعب مصر
للطفولة المشردة
و الافواه المكممة
و الاقلام المقصفة
و الأيادي المكسرة
و شهد الشهود
بس يا خسارة قطعوا الالسنة

في مصر ... السقا مات

في مصر .... السقا مات

لا ميه و لا شربة و لا شربات
مغنا و بيرة و و بت و بنات
لا طب ولا هندسة و لا كتابات
هلس و فرفشة و انترنت و شات

في مصر .... السقا مات

مية معكرة ... و شربة مالحة
لقمة معفنة ..... و حكومة كالحة

في السر فاضحة
في الغدر شاطحة
في الظلم فالحة
تمنع قمحة
و تقتل فرحة

في مصر ..... السقا مات
لا كرم ولا كرامة
و العذاب شامة
لا عز و لا شهامة
و الكرباج علامة
في السجن مسجون
و الحرية ندامة

في مصر ... السقا مات
و العز ... مات
و الإيد ممدودة
بتقول للعبيط هات
للعدو سلامات
عالأفا ضربات
للشعب اهانات


في مصر ... السقا مات

كان فيه حضارة
و سقا و مشربية
تدراري العزارى
و جامع و مسجد
و كنيسة في حارة
لا فتنة ولا خناقات
لا بيرة ولا خمارة
بس يا خسارة
كان ده كان زمان
و اختفت الأمارة

قوم يا شعب دهب
اكتب بدم غضب
لا لظالم غصب
و سرق و قتل و حرق ونهب
قول السقامات
و العسكر شتات
و الظلم فات
صوتك كان اصوات
حبك حي
جذور في قلب ما مات
قول عاشت مصر
و إن كان السقا مات

الأولى بسم الله ... تحية لمنتظر الزيدي

الأولى بسم الله
و التانية بسم الله
و تالتة في وش عدو الله
ارمي و سمي
و العن هالطلّة
نعالك جمرات
عالكلاب الضالة
ارمي وسمي
الأولى بسم الله
و التانية بسم الله
و تالتة في وش بوش
و رابعة لهبوش
هبوش سلطان
سلطان كلبوش
هبوش كلبوش
عامل سجان
حاصر الشام
طالب غفران
من يهودي جبان
و عايش سلطان!
سلطان كلبوش
ارمي وسمي
الأولى بسم الله
و التانية بسم الله
و تالتة في وش عدو الله
جزمة وشبشب قبقاب كرامة
على سلف أوباما
و هبابيش الدنيا ياما
في الرمي السلامة
و احترامهم ندامة
ارمي وسمي
الأولى بسم الله
و التانية بسم الله
و التالتة في وش عدو الله

بؤك نونو أد حـؤ... مصري والطريق طويل و لا آخر

بؤه نونو أد حـؤ
و صوت عالي يـبـؤ
ماشي في الطريق يـشـؤ
و في الزحمة يزؤ
لا صوت نافع و لا همة تُخض
مصري والطريق طويل
على الفقير يرٍء
و عالغني يـنـؤ
عامل مهم و هو مش مهم
ساكن في الهامش
جوة البيجامة و في البدلة يلؤ
ماشي عالسطر أو بين سطرين
الوالي وابنه البأف الخبؤ
النهاردة حكمة
و بكرة رقصة أو نغمة ترن
ترن ترن من غير عقارب ساعة تدؤ
من تمانية و عشرين
و الا تسعة و عشرين
و الا التلاتين
ساكت و ماشي في الزحمة يزؤ
مصري و الطريق طويل و لا آخر
همه على وشه باين
و ساكت ليه قول أي بؤ
بؤك نونو أد حؤ

صايد كنوز اللولو في بحر مصري عتيق .... باللهجة الصعيدية

صايد كنوز اللولو في بحر مصري عتيق



صايد كنوز اللولو في بحر مصري عتيق

رمى شباكه دايبة ومقطعة وسط موج الغريق

تحت القمر في الضلمة و البحر واسع مش ممكن يضيق

صياد و مبحر في المغربية يمكن يلاقي رفيق

رايح فين يا صايد اللولو الدنيا ليل و الليل غربة

قال ليالي البر أغرب و البحر بضلمته ارحم بالعشيق

أعشق تراب البر لكن ضلام الليل أهون من ظلم الشقيق

عشقت تراب البر لكن عشق الغربة عشق الكرامة عشق الصديق

أحلم بفراقك يا بلدي و أهلي و ناسي ... ناسي كل رفيق

ناسي الصبح لما ... اللمة تجمع تنادي

فين الشباب ... شباب شاب يستنى المنادي

شاخ الحلم و شاب في الحكايادي

يا صايد اللؤلؤ ارجع حدايا ارحم ألم بعادي

قال يابن بلدي إن كان ليل البحر بيقتلني فاسأل بلادي

كام شاب مات السنادي

بقلم محمد الدسوقي

رحم الله شباب مصر الذين قتلوا في هجرتهم منها

و الذين قتلوا في سالم اكسبريس و السلام

بسم الأب و الإبن .... كل شئ عادي

بسم الأب و الإبن .... كل شئ عادي

كل شئ عادي


عادي واكتر من عادي


عدى علينا وصبح الغريب عادي


و في قلوبنا جرح الأعادي


صرخت امنا اه يا ولادي


النيل بيجري و الآه في كل وادي


و قالوا بسم الأب والابن و الغبا بادي


الأب بالظلم بادي

و كل شئ عادي

يا ابن امي يا ابن عمي اه ياخواني


قلب اخضر مننا


هاجر من فوق ارضنا


حضن دافي ضمنا


سابنا و هجر حضننا


نجم في السما نورلنا


غاب في الغيمة عننا


كلب عاجز عندنا

صبح حكيم مننا


و كل شئ عادي


الظلم اصبح ضي


و عذابنا ماله زي


كافينا كره و كي


و الابن بالغبا جاي


يصيح غراب الحي


يا بلادي شقي الدروب


مافي أخت وخي


قلنا الابن وارث غي


نادى غراب الحي


الابن اخضر ني


و كل شئ عادي


قالوا مصر أمي


قلت أفديها بدمي


بس ليه يا امي


ما تشيلي همي


و في الفرحة تغمي


و عن الحقيقة تصمي


ليه تسكتي يا امي


و الأب والابن تضمي


و تهملي حبي و همي


و كل شئ عادي


الصبر فينا راح


مل ما طلع صباح


كأن مافينا جراح


و لا عاد فيه افراح


و ان فرحنا ليلة


سمعنا في الصبح نواح


ناح المظلوم و ناح


المهم الاب مرتاح


وكل شئ عادي


هجمت علينا ضباع


مالقينا اسود دفاع


قالوا الكترة تغلب شجاع


و كل شئ عادي


سيما ومغنى


و اسود انتيكة


شالوا اسمك ... بس باستيكة

و قالوا مصر ...


بس قصدوا...... أمريكا


و كل شئ عادي

و كتبه محمد الدسوقي

عاشق للحب يسأل عنك

عاشق للحب يسأل عنك

تراه يائسا يقول حاله أنك

بعيدة عن هذا الملك

أسمع أنات اليأس في نبراته

فكم من عاشق حلم بذكرك

فقال مستغيثا بالواحد الملك

لن أهتف يوما باسمك

سأحيا بدون حبك

أو اغدو صبيحة عشقك

أحمل هم حبك

لن أحلم يوما بهمسك

و لانظرة من عينك

فأنت بعيدة المنى

في قمة برج من ذوات العلا

قريبة للنجوم و الشموس فلا

أظن أن قلبك ممكنا

أو أن جمالك قد حلا

في أعين الشعراء و أهل الغنا

إلا إذا كان خيالا غير ممكنا

مصون عن الرذيلة و الخنا

فانت الجمال إذا صنتيه

و انت الحياء إذا تعرفيه

و انت الإنسان ..فهل لاقيتيه